阮民安fb直斥何君堯係X街 連前老闆陳百祥都鬧埋

撰文:
最後更新日期:

香港特區政府擬修訂逃犯條例而惹起大批市民的不滿,引發了連串的反修例行動,包括大型的遊行、示威和抗議等,並向政府提出了五大訴求,不過特首林鄭月娥至今仍未回應,警方與示威者更多次爆發了流血衝突。向來撐警撐政府的立法會議員何君堯,昨日就於他的facebook出post配以一個示威者電視新聞截圖,留言表示:「注意曱甴出沒。大家請注意,由於香港通地都是曱甴,我們在支持警察之時,保持距離,提防曱甴飛近影響衞生,它們手腳都不乾淨,特別個口太污穢!」

阮民安支持反修例一方。(阮民安facebook圖片)

而支持反修例陣營的阮民安 (Tommy) 就於他的facebook轉載了何君堯的「曱甴言論」post,並留言表示:「其實喺我細細個還未完全懂得政治嘅時候,我已經覺得何君堯係一個X街!點解?因為我細細個就認識咗陳百祥,而喺我心目中,陳百祥就係一個X街,到後嚟我知道咗何君堯係陳百祥嘅酒肉朋友之後,我就認定佢都一定係個X街,因為做得一個X街嘅朋友都一定絕對係一個X街!何君堯!你X街啦!」開名直斥何君堯是X街。何君堯曾被影到與「元朗黑夜」無差別暴打市民的白衫人握手,今次Tommy竟然敢開名鬧他,似乎無懼自己的人生安全,相當敢言。不少網民都大讚他是「真香港人」、「推論得好合理」,甚至有網民留言表示:「我以前真係錯過咗你,從今以後我會珍惜的。」

Tommy鬧何君堯同陳百祥係X街。(阮民安facebook截圖)

Tommy現正身在日本東京,他接受《香港01》訪問時被問到咁樣鬧何君堯,可會擔心被白衫人又或是反示威者的襲擊,Tommy表示:「我其實無乜特別嘢係太驚,純粹針對返佢呢番言論,我覺得係好唔禮貌,同埋好侮辱,睇到佢咁樣講啲示威者,我真係好嬲。呢個世界就係你講得人時,人亦講得你,咁先至係我認知嘅言論自由。我只係喺自己嘅fb平台表達自己嘅感受。」

Tommy表示只係針對何君堯嘅一番言論。(ig@ekidztommy圖片)

Tommy又謂相信除了他,也有好多香港人不滿何君堯的這番言論,至於對方與白衫人是否有甚麼關係,Tommy直言不知道也不會去理會。他強調:「如果咩都驚,咩都唔敢講,唔敢做,咁不如返屋企瞓覺啦。」問到Tommy為何鬧埋陳百祥是X街,他說:「詳情我唔講喇,我細細個時係東方魅力旗下嘅藝人,大家都知有邊幾位老闆,當年我經歷咗好多唔太高興嘅事,就係因為自己細個唔敢出聲,令到好多嘢無咗返唔到轉頭。我一路以來都係喺備受打壓嘅環境下成長,所以好明白喺前線嗰班年青人嘅感受。我唔係要拎啲咩光環,只係想做自己認為係啱嘅事,支持佢哋。」

Tommy亦曾在備受打壓嘅環境下成長。(ig@ekidztommy圖片)

點擊下圖逐格睇Tommy嘅靚相:

+4
+4
+4

點擊下圖仲有Tommy個網紅老婆Eva嘅靚相:

+18
+18
+18


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。