朱茵發表愛國言論 網民強烈推薦買Hermès五星紅旗袋

撰文:
最後更新日期:

朱茵於微博發表愛國言論。(微博圖片)

繼成龍、楊千嬅、陳曉東等香港藝人於社交網表態愛祖國後,朱茵昨日亦在facebook貼上來至央視新聞嘅「我愛中國,我愛香港!」圖片,並寫上我愛中國,我愛香港,更愛和平!其言論即時獲唔少使用簡體字嘅網民留言讚好,但同時亦有網民留言揶揄她「我愛人仔,也愛港紙」,並紛紛推薦朱茵要入手Hermes最新推出嘅五星紅旗Birkin手袋 ,亦有留言問「黃貫中呢?」、「海闊天空呢?」。但其後,好快就網民表示呢個fb專頁並只係粉絲專頁,換言之,所有留言都唔關朱茵本人事。雖然fb唔係由朱茵本人負責,但其有官方認證嘅微博,昨日就發表咗「我愛中國,我愛香港,更愛和平! ​​​​」呢12粒字。對於佢呢個舉動,其實都唔難理解,因為近年朱茵嘅工作重心基本上都喺內地。

朱茵呢個fb page無任何認證,而喺更多資訊一項中,亦有寫明「此專頁不是朱茵本人開的,只是粉絲為自己偶像開而已!!」

另外,鄧萃雯昨日亦轉發央視新聞官微「我愛中國,我愛香港!香港永遠是中國一部分(份)#香港永遠是中國的一部分(份)# Hong Kong is part of China foever 轉發!讓全世界都知道!」嘅文章,並同時表示對於身為中國人而感到驕傲。「曾經去過外國生活作留學生,真的很難找到歸屬感,世界根本沒有一個地方是完美無瑕的;都是靠人民共同努力,不斷進步而建立出來的成果。願中國國泰民安,繼續向前。願香港和平 #守護香港」對於鄧萃雯嘅舉動,自然地得到內地網民一致讚賞。

鄧萃雯上月都有IG同微博表示反對暴力。

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。