網民讚阮民安型過余文樂一百倍 Tommy:真香港人每個都咁靚

撰文:葉詩
出版:更新:

阮民安(Tommy)周五(23日)晚出席電影《白宮淪陷3天使淪陷》的首映禮,坦言到首映禮前在旺角參與了由市民發起的「香港之路」全港手牽手人鏈活動,以效法波羅的海抗爭並希望喚起國際關注。在此之前,Tommy亦經常向反對《逃犯條例》修例的示威活動表示支持:「我自己親身參與、亦都喺網上睇到好多,我見到呢幾個月香港人嘅團結、力量同愛都返返晒嚟,有少少久違咗。可能有一段時間,大家都覺得香港人係自己顧自己、或者比較自私,而呢個運動令大家聚埋一齊,大家都想救呢個地方,其實我哋好愛呢個地方!喺到同大家講多次香港人加油,我哋一定有機會打贏呢場仗。」對於現場有不少人認出自己,Tommy亦歡迎大家和他打招呼、聊天:「如果可以畀多啲正能量大家,我係無任歡迎,任何地方、任何時候都可以搵我傾計、影相。」

Tommy在參與「香港之路」活動後趕到首映禮現場。(陳順禎攝)

過去的星期日(18日)是Tommy老婆的生日,而他卻選擇了出席818民陣的維園集會,問到他後來怎麼為太太補祝生日,Tommy就說:「我同太太其實之前嗰個幾星期都喺東京做嘢,每一日都帶埋大仔一齊去唔同地方;我都有講未必同到佢慶祝,818去集會佢都好明白嘅,因為對香港嚟講係好重要嘅日子,佢都好支持,因為佢係我太太嚟㗎嘛!返到去好簡單同佢食咗餐飯,就已經好滿足。」

Tommy預告E-Kids準備回歸,希望大家多多支持。(陳順禎攝)

日前有網民在Tommy的個人社交媒體留言:「今時今日阮民安型過余文樂100倍!」更穫得超過1萬4千個讚好,對於網民的讚美,Tommy就回應:「我哋呢啲2002年已經喺呢個娛樂圈世界打滾浮沉,邊句真邊句假一時三刻唔會咁易動搖,我係唔會咁易信㗎!OK啦,總之香港人做返真香港人做嘅嘢,就每個人都咁靚!」

Tommy稱自己沒有移民的意向,但會希望兒子在日本接受教育。(陳順禎攝)
發表評論...