【逃犯條例】黃夏蕙出席手牽手被標籤暴徒 發文稱心痛︰人言可畏

撰文:賴家杰
出版:更新:

反對《逃犯條例》的示威活動已經持續兩個月有多,期間部份市民延伸各樣活動表達訴求,例如靜坐及手拖手活動等。有人反對亦有人支持,不少藝人也在這數月來紛紛表態。其中黄夏蕙(夏蕙姨)早前宣布會參加區議會選舉,為了解市民為何上街,她在8月23日現身手牽手活動了解整個活動。期後有人將她的相片上傳上網,然後她便接收了很多電話及被標籤是「暴徒」,令她感到不開心。昨天(28日)便在自己Facebook發表了「人言可畏?」的貼文。

夏蕙姨在Facebook以「人言可畏?」一文回應網民指控。(黃夏蕙Facebook截圖)

內容如下:「人言可畏?近目我希望貼身了解青年人在遊行時,佢哋究竟心裡面想啲乜嘢,同心中怨氣何時開始,我同肥豬研究咗一陣後,決定身心力行陪佢哋企咗10分鐘,當時唔少得係跟他們舉起手機燈,然後自拍合照啦!大約10:30左右,我同肥豬差不多食完餐飯之後,那張含照被無限分享。然後有好多好好朋友,透過WhatsApp、微訊同打電話俾我,話我唔洗解釋,我原來係暴徒!揚言不會見我,有活動不會找我去!被中國列入黑名單...…等,令我好唔開心,點解我想親身去了解班年輕人內心想法,更希望令佢哋開心啲,減輕心中怨氣嘅同時,一班平日同我好好感情嘅老友,竟然如此對我做出致命傷害呢?親身去了解年青人都要推我到暴徒的位置呢?我終於明白阮玲玉,點解可以因為【人言可畏】4個字而去自殺。點解要咁傷害我呢?大家為尊嚴而各企一邊,不理對方,繼續仇視和邊緣化,根本解決唔到依家社會問題。面對面,放下心中的牆來商量,先至可以有大和解的一日。最後....我心很痛!從未如此的痛!因為呢班係我平日社區的好朋友,有老朋友、契仔、契女、仲有.....我真的很痛......」