望示威活動早日平息 薛家燕感難過痛心:試過有幾晚瞓唔到

撰文:
最後更新日期:

薛家燕(家燕姐)到達位於北角的新光戲院觀看老朋友們演出的舞台劇《但願人長久》。她接受《香港01》訪問時表示,與劇中演員張可頤、江美儀、謝君豪等相識已久,所以工作完畢後,就趕來捧場。

薛家燕(家燕姐)專程收工趕到捧場睇舞台劇《但願人長久》。(陳順禎攝)

談及近來示威活動對藝人所帶來的影響,家燕姐就明言:「我就冇乜影響嘅,但係好多公司或者朋友都有唔多唔少影響。當然,心見到都唔舒服,所以有好多公司邀請我做活動,都問我囡話:『家燕姐,可唔可以就下我哋個Burget吖?』我都話:『我會盡量支持。』我都希望我去嗰個活動,能夠幫到佢哋生意上嘅工作。希望呢件事就快啲平息。」

薛家燕(家燕姐)對近日香港發生的事,感到難過痛心,不過就表示對其他事就發表意見。(陳順禎攝)

後生仔示威而引致受傷,家燕姐又有甚麼看法?她回答說:「其實香港發生緊嘅事,我係難過嘅,亦都好痛心,其他嘅我又唔想發表咩意見,不過我係難過痛心,試過有幾晚瞓唔到,就算我啲朋友都係咁。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。