雙J相隔6年再同框 周杰倫蔡依林未見互動
撰文：洪曉璇
出版：更新：
「雙J」蔡依林同周杰倫雖然早已各有新生活，但喺唔少人心目中都留有特別位置，佢哋每次同台都會成為熱話。全球華人歌曲排行榜頒獎典禮30號晚於澳門舉行，Jolin同周董更加係相隔6年再度同框，馬上衝上微博熱搜。
周杰倫蔡依林到澳門出席全球華人歌曲排行榜頒獎典禮（視覺中國）
周杰倫蔡依林獲頒年度最受歡迎男女歌手，一前一後與內地代表薛之謙、李宇春齊齊上台領獎，中間隔住李宇春。周杰倫行前致辭得獎感受時，鏡頭剛好影到企喺後方嘅蔡依林，雙J相隔六年再同框，雖然佢地未有互動，但已經引起網友暴動話回憶返晒嚟。
周董致詞時令雙J再度同框。（微博直播截圖）
得獎後周董接受訪問，預告新歌即將推出：「剛剛確認一下，9月17號晚上11點會有我的新歌MV首播，吃完飯趕快回家，如果錯過非常可惜。」
雙J台下相隔2個座位。（視覺中國）
但開騷後未見蔡依林按照安排就座（視覺中國）