鍾欣潼老公賴弘國被傳與女網紅約炮 阿嬌親自回應

撰文:
最後更新日期:

阿嬌鍾欣潼去年下嫁整容醫生賴弘國,於香港筵開38席大宴親朋,正式成為賴太。兩夫婦不時於網上放閃,之前仲一齊拍攝內地綜藝節目《爸媽學前班》。點知喺9月2日微博熱搜驚現「#阿嬌老公出軌女網紅#」,賴弘國IG湧入大批網友留言,連阿嬌都出面回應。

阿嬌同賴弘國去年拉埋天窗。(IG:q_gill )

賴生賴太不時於網上放閃(IG:q_gill )

9月2日有網友於微博貼出多張圖片爆料指:「我有阿嬌老公約炮的證據,太噁心了,他還作賊心虛刪我評論!」據呢位網友指,賴弘國不時關注女網紅,成日趁阿嬌唔喺身邊就同人鬼混,仲貼出一張賴弘國著住睡袍,面紅紅看似飲完酒嘅視頻截圖。

9月2日有網友於微博爆料,指手上握有賴弘國約炮証據。(微博:塔罗子桐)

仲貼出一張賴弘國著住睡袍,面紅紅看似飲完酒嘅視頻截圖。(微博:塔罗子桐)

+2

更多被傳賴弘國搭上嘅女網紅寧寧照片:

+19
+18
+17

微博一出馬上衝上熱搜榜,有唔少網友戥阿嬌唔抵,湧入賴弘國IG留言,留言警告佢「請做好自我管理」,「你的一舉一動大家都看在眼裡,你最好本份一點,大男人不要那麼騷到處勾三搭四」。但亦有唔少網友話單憑佢FOLLOW女網紅IG就話佢出軌,有點兒太輕率。

網友湧入賴弘國IG留言(IG:m01yb46)

被指賴弘國有FOLLOW嘅女網紅接受台灣傳媒訪問時就澄清,賴弘國無私下傳過訊息俾佢,亦都否認約炮傳言。估唔到同日早上11點左右,阿嬌仲親身喺微博回應:「開學第一天,這個熱鬧我們不湊啦﹗雨女無瓜(與你無關)」外加一個笑而不語嘅EMOJI,而賴弘國亦留言回應話:「這個熱鬧我們不湊啦,愛妳老婆。」睇嚟對佢兩公婆嚟講又係笑料一則。

阿嬌親自於微博回應(微博:鍾欣潼)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。