蔡思貝做姐妹感動到喊 醉心工作未理會余德丞周秀娜緋聞

撰文:
最後更新日期:

蔡思貝好友許芷熒(Whitney)與拍拖兩年半圈外男友Alexander Fung共諧連理,於尖沙咀舉行盛大婚宴,思貝更擔任婚禮姊妹:「今次係我正式第一次做姊妹,親身體會整個傳統結婚儀式,當Whitney與Alexander 雙方父母講完一啲祝福嘅說話,一對新人情深互望住對方,讀出愛的誓言個一刻時,喺我腦海裡即刻浮現出,我同Whitney識於微時嘅時候片段,兩個人傻更更咁嘅畫面,終忍唔住喊咗出嚟,真係好戥佢開心。」

思貝表示很高興見證好友Whitney與圈外男友Alexander Fung拉埋天窗。(梁碧玲攝)

至於幾時結婚,思貝就話:「自己從來都冇諗過,呢一刻我好醉心於工作同拍劇之上,我喺拍劇同做演員嘅生涯當中,得到好多幸福,得到好多快樂,咁所以呢一刻我真係冇諗過幾時會結婚,但我好相信right timing嘅時候,唔需要去強求呢個人會出現啦,又或者我嘅婚禮會出現。」對於近日有傳緋聞男友余德丞與娜姐(周秀娜)秘撻,思貝表示未有留意相關報導。

思貝坦言現階段將精神注專在演藝事業上,未有打算拍拖結婚。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。