張敬軒將任關智斌演唱會嘉賓 預告有驚喜：都震撼嘅
撰文：賴家杰
出版：更新：
張敬軒（軒仔）最近與女神倪晨曦合作拍攝理財手機程式廣告，二人首次合作便已很快成為好朋友，軒仔更大讚這位女神毫無架子，他說：「佢無論私下同社交媒體見到佢都好，佢都係一位真女神，外型、性格等都好開朗。你社交媒體見到佢張張相都咁靚好似好完美，我心諗呢個女人一定有潔癖，但係又唔係，會同大家一齊食飯，相處起黎都好隨意。」
軒仔指自己在工作方面好嚴謹。（劉智源攝）
軒仔對於倪晨曦在社交媒體常常分享一些美麗照片是很值得他學習，「我要搵佢幫我執下樣，我覺得社交媒體張相好重要，睇文字嘅人越來越少。我啲Hashtag我覺得已經過時啦，呢一個係圖片世界。可能遲下我會發展成美妝達人。」
軒仔在老闆楊受成支持下開了一間西餐酒廊，投資數字軒仔笑言不太清楚，因為是老闆埋單。（劉智源攝）
今個月便是知心好友關智斌在紅館首次的個人演唱會，軒仔作為客席嘉賓直言會用百分之百的力度去演出。在網上不少網民對人的表演十分期待，「其實網民留言我都有睇下，但有啲要求都幾難做下，但我同佢個Part都震撼嘅，所以大家入場啦記得。」