【愛我請留言】黃翠如Celine妹妹重遇孖住睇show：長高了長大了

拍攝一套劇集起碼需要幾十個藝人，演員之間嗰一兩個月，日對夜對特別容易成為密友甚至擦出愛火花。黃翠如就係一個好例子，拍旅遊節目同洪永城成為知己，拍攝《師奶Madam》識到老公蕭正楠，仲有2014年《愛我請留言》嘅美心妹妹楊鎧凝（Celine），好似多咗個囡囡一樣﹗

呢日翠如喺IG上載同美心妹妹楊鎧凝（Celine）嘅合照，二人於《愛我請留言》中有大量對手戲，甜蜜又溫馨。翠如留言話：「這夜，遇上了誰？悠悠和朱古力姐姐，長高了，長大了，還一起去看Fashion show。悠悠豬，你要快樂成長啊。」當年面圓圓嘅悠悠豬眨下眼已經11歲，身高去到翠如胸前，仲開始有啲少女味，下次佢哋再合作分分鐘可以飾演兩姐妹啦。