【12個夏天】張曦雯羅天宇近距離接觸獵豹有代價 課金幫手執便便

撰文:
最後更新日期:

南非有唔少動物園可以讓遊客近距離接觸動物,雖然有管理員陪同,但不時都有意外發生。(影片截圖)

《12個夏天》最後一站去到南非,節目中,張曦雯同羅天宇先後去到睇河馬、獅子、長頸鹿,昨晚(5日)一集,二人更近距離接觸瀕臨絕種嘅獵豹,仲做埋義工幫手執屎、清理獵豹嘅巢穴,而呢個行程,對於充滿愛心又非常鍾意動物嘅張曦雯嚟講,連佢自己都話係行程中「最期待」。
 

張曦雯同羅天宇執屎執得好開心。(影片截圖)

其實對於熱愛野生動物的人來說,南非確係義工旅遊熱點,就以張曦雯同羅天宇揀選嘅Ashia Cheetah Sanctuary為例,距離開普敦45分鐘車程左右。遊客除可以付費近距離接觸獵豹之外,亦可以好似張曦雯咁做義工,但原來做義工,一樣都係付費--1000南非蘭特(約68美金)。

終於可以同獵豹合照。

話明做義工,當然唔係玩玩下,早上6點就要開工,除準備獵豹嘅食物、餵食之外,仲會學習點同交流,全程需時約12小時。對比起同場嘅其他近距離接觸獵豹活動:Meet A Cheetah(見面會)一小時收費約43美元、Weekly Cheetah Runs(睇住佢跑)收費約23美元,做義工似乎較為抵玩同有義意。不過,單睇羅天宇喺獵豹巢穴清理大小異便後,個樣好似就快缺氧咁,呢份工似乎都唔易做。

Ashia Cheetah Sanctuary提供埋住宿,套房費用一晚約為170美元。(網上截圖)

+4
+3
+2
+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。