林心如重返校園讀碩士 網曬學生証:為了自己也為了女兒

撰文:
最後更新日期:

台灣有唔少藝人為咗養家,好早就離開投入社會工作,到事業家庭都穩定落嚟先重拾書包。徐若瑄三年前回歸大學今年成功取得學位,好友林心如呢日亦宣佈重返校園,曬出學生證笑得非常燦爛。

林心如入行多年外貌依舊KEEP住少女一樣(IG:loveruby_official )

17歲林心如已經入行,98年憑《還珠格格》中紫薇格格一角紅遍亞洲,自此工作從未間斷,歌影視主持更做埋製作人。嚟到43歲終於有時間重返校園,佢留言話:「睽違已久的學生證﹗忙碌真的不能當作不再進步藉口,重拾當學生的樂趣,讓自己重新歸零重新換位思考,一切的學習重新(從心)開始。」

9月9日早上心如PO出自拍照宣佈重返校園(IG:loveruby_official )

據了解林心如今次入讀世新大學上海碩士專科班傳播管理課程,會喺上海上課,除咗係免卻做空中飛人多啲親子時間,亦係為咗做囡囡嘅榜樣:「越忙碌越開心,上課上的頭昏腦脹但獲益良多,媽媽的學習為了自己也為了女兒。仲笑言「看電影可以正當的買學生票了﹗」

重返校園除咗圓夢,原來心如仲係為咗囡囡。(IG:loveruby_official )



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。