冠軍黃嘉雯出動埋媽咪多謝馮盈盈　到底佢哋有咩淵源？

出爐港姐冠軍黃嘉雯（Carmaney）昨晚以大熱姿態勝出，完騷後，她隨即與亞軍王菲、季軍古佩玲及友誼小姐陳熙蕊齊齊去到《後生仔睇完港姐傾吓偈》。節目中，馮盈盈自爆原來早幾年前喺活動上曾經見過黃嘉雯，並指當時已經覺得佢好多選港姐嘅潛質。「但當時你就只係話諗下啦，無正面答，我想問你今年特別嚟選，係未我啟發咗你？」

當黃嘉雯答完「其實真係你啟發咗我」之後，現在後生仔即時起哄，6號即搞笑表示「你好似迫人答咁」，佢又講得啱喎，唔通黃嘉雯會話唔係咩。黃嘉雯之後解釋：「係真係馮盈盈話俾我知，然後我就隔咗年參加，覺得其實都係個幾好嘅機會，咁就過嚟試。」聽完黃嘉雯解釋，6號再次追擊，並笑指好在馮盈盈同黃嘉雯唔係同屆，否則FYY或者只會得友誼小姐。