【關智斌演唱會】中秋夜處男紅館開騷 古巨基自告奮勇組團跳唱

撰文:
最後更新日期:

中秋夜除咗係人月兩團圓嘅日子,亦係Kenny關智誕處男個人紅館演唱會首場,呢次個唱Kenny獲公司上下全力支持!古巨基係Kenny演唱會嘉賓之一,佢透露當睇到Kenny早前回應Steven事件短片中,講到原本即將實現夢想但突然破滅,基仔坦言睇到很揪心,第一時間同經理人霍汶希(Mani)講:「唔好唔搞呀!一個人都搞!有乜嘢我可以幫嘅我一定幫!」

關智斌首場個人紅館演唱會將於中秋夜舉行。(IG:@Kennyjr)

及後私下相約Kenny輔導鼓勵,到最終定案變成Kenny個人演唱會,基仔向Kenny提議:「合作環節不如我陪你變成一個組合唱跳啦!你係Kenny Kwan、我係Ku Kui Kei,咁多『K』我哋就叫『KK TEAM』啦!」

基仔力撐kenny開騷,仲自告奮勇落場一齊跳唱。

基仔更義務親自設計二人合作環節服飾。另外,雖然跳舞並非基仔強項,不過仍甘願「拋個身出嚟」為Kenny做「舞男」:「如果你需要快歌的話,我同你跳舞都得,雖然我跳舞唔叻,但我花多少少時間都可以跳唱快歌。」絕對係仆心仆命!

Kenny日前綵排時獲古巨基送上月餅打氣。(IG:@Kennyjr)

雖然基仔謙稱自己跳舞唔叻,但到排舞時,Kenny對着基仔大叫:「嘩!你呢個動作好難!」基仔就話:「等我教你啦。」經過基仔悉心教導,Kenny很快便學會。排舞尾聲,只見Kenny、基仔及一眾dancers在做掌上壓,問二人發生咩事,基仔笑着說:「我懶搞笑話過兩日嚟幫大家操練吓,佢哋就話:『好吖,做掌上壓吖!』其實我做唔到㗎。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。