【早霸王】女聽眾霸氣宣示主權 森美:你係二奶?

撰文:
最後更新日期:

今集《早霸王》有女聽眾打去想宣示主權,結果被森美笑係小三行為。

由森美、小儀同Marco主持嘅《早霸王》「你知道唔知道有人掛住你」環節,不時都會有聽眾打去表白或者道歉,甜言蜜語少不了,但今集嘅女聽眾,竟然甜到連森美都招架唔住,大叫「頂唔順」。女聽眾阿慧話想藉節目示愛,並謂:「想要同全世界宣布佢係我男人」,講到咁霸氣,結果竟然換來森美一句「如果你咁講得一個原因,你係二奶。」並笑言只有小三先會做出宣示主權嘅舉動。

女聽眾曾因為對方大男人而拒愛。

阿慧表示同男友相識多年,但由於之前喺談及感情問題時,對方話到明自己係大男人,而自己又屬於受軟唔受硬,所以從來都無諗過會喺埋一齊。兩年前佢生日,唔知係見到份禮物好感動定點,突然捉住我隻手話『係你架啦,我唔會架啦』」面對突然其來的表白,阿慧坦白係有一絲絲心動,但由於當時自己準備要去澳洲working holiday,加上「大男人」呢一點,令阿慧婉拒咗對方嘅好意。之不過,呢位喺阿慧口中「細心對長輩又好」嘅男子並無因而放棄,亦因為咁,最終打動咗阿慧。

女聽眾原來準備今日喺主題樂園同男友求婚!!

既然唔係道歉,又唔係暗戀表白,阿慧呢個case完全唔符合「你知道唔知道有人掛住你」條件,森美仲話「除非你求婚」。結果阿慧竟然話佢今日真係準備求婚,仲話想借《早霸王》向男友埋下伏線!連求婚都埋,森美即時打比阿慧男友阿榮,電話接通,阿慧表示:「因為你知道由細到大最鍾意Beauty and the Beast,所以成日講笑話我係beauty再強迫你係野獸,但其實係你令我由beast變成公主,令我每日都感到到被捧在手心裡、被滿滿的愛包圍……」感受到濃濃的愛意,連森美都大叫「死啦我頂唔順,佢句句我都毛管戙。」
 

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。