黃芷晴9月遊東南亞慶黃日華生日 男朋友冇份去
撰文：陳浩賢
出版：更新：
藝人黃芷晴今日出席apm的書籍活動，以性感吊帶裙亮相，並表示純粹襯番活動背景，更謂男友不介意她工作時性感，但有對她說「小心凍親」，言畢更露出甜絲絲的笑容。
黃芷晴透露9月會請父母旅行，慶祝父親黃日華生日。
芷晴透露自己較喜歡看有圖畫的書本，例如幾米的繪本，她表示：「我本身係讀設計嘅，而插圖側邊會有幾句文字，我覺得好有意思。」當芷晴被問到會否想自己出書，她說：「有諗過，但出書都要諗下點樣先唔會咁悶，或者去旅行影多啲相先，另外我都鍾意用動物來做靈感，下年書展希望能夠出到書啦。」
黃芷晴表示大學時代，曾出過一本關於大澳的書，但當時正跟男友分手，所以不大開心。
其實芷晴早於大學時代，曾出過一本關於大澳的書，更親自拍照及畫插畫，但當時心情卻不大開心，她表示：「一直都覺得大澳排屋好靚，但當時同男友分咗手，冇機會同佢去，最後由父母陪我去咗3、4次先完成，不過同依家嘅男友都未去過。」芷晴透露9月會請父母去東南亞旅行，慶祝父親黃日華生日。（會否預埋男友一起去？)「唔預佢住，呢次係一家人嘅旅行，其實同家人食飯都有叫佢一齊嚟，旅行就遲啲先啦。」
黃芷晴出席apm的書籍活動，而她因為曾修讀設計，所以較喜歡繪本。