狄以達跳舞學校發生小火災 仿市民以MEMO遮蔽熏黑地方

撰文:
最後更新日期:

狄以達早已同跳舞畫上等號(IG:@di2da)

意外就係意料之外,有事一不留神分分鐘會釀成災難﹗狄以達除咗幕前工作外,最近忙於打理第三間跳舞學校,事事親力親為,由教班同裝修都親自出馬。呢日佢喺IG分享校內相片,居然係出意外發生小火災,牆上更被熏黑一大片,嚇壞唔少朋友。

學校一支網購光管燒毀,令牆上熏黑一片。(IG:@di2da)

狄以達喺IG上載多張照片,見到相入面跳舞學校其中一道牆大面積被熏黑,另一張相就影住燒毀嘅光管,佢留言話:「意外火災,不用擔心,人冇事,網上買的光管爆開咗,其他冇事。 #應該唔係網上問題 #係我哋唔好 #發現呢個問題 #不會爆炸的 #盡快清場 #親自河蟹」

狄以達親力親為清理現場。(IG:@di2da)

由於清理需時,狄以達忽發其想自製連儂牆,用大量MEMO貼喺熏黑牆上作裝飾(IG:@di2da)

佢亦坐言起行,親自清理意外現場,不過由於清理需時,狄以達忽發其想自製連儂牆,用大量MEMO貼喺熏黑牆上作裝飾。經點算後損毀未算嚴重,狄易達留言話:「我好運iMAC PRO無事,吉他無事,大部份都無燒壞,只有這對用了十年的 studio monitor燒掉了一些線。它不昂貴,但它陪伴著我成長,一切由上環的NOVASONIC開始,在那裡我才真正學習音樂。」

好在呢次意外無太大損失。(IG:@di2da)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。