李連杰56歲中年髮再生　狀態大勇現身電影小鎮

去年接受《魯豫有约》訪問時，李連杰仲係光頭。事隔9個多月，李連杰中年髮再生，好驚喜好意外。(視覺中國)

側面睇，頭髮生長得唔錯。(視覺中國)

56歲嘅李連杰近年受甲狀腺功能亢進症困擾，需靠服藥控制病情，去年他現身佛教活動時，滿頭白髮、加上憔悴容顏令他如同70歲老人，情況令人擔心。雖然李連杰一直未有正面回應自己嘅身體狀況，不過由佢4月時喺微博上載嘅照片所見，氣色大好，唔少網友更大讚佢回春20年。

李連杰到訪嘅華誼兄弟電影小鎮目前尚未開放，佢喺一眾高層陪同下，參觀電影小鎮嘅部份景點。(視覺中國)

深居簡出嘅李連杰，日前現身鄭州嘅華誼兄弟電影小鎮，並全程與工作人員有講有笑，心情大靚。一身便裝打扮嘅李連杰，再配以黑超、CAP帽，不過，最令網民驚訝嘅係維持光頭多年嘅李連杰，呢日竟然留有濃濃嘅黑髮！能夠中年髮再生，相信對於李大俠嚟講絕對係天大喜訊。

去年初網上瘋傳李連杰呢張蒼老照，震驚不少網民。