【關公召喚】蘇施黃開咪叫黃鎮廷做「瞀里」　踩港隊衣著「呢啡」

香港運動員在今屆奧運中屢創佳績，不少港人都為之驕傲，不過似乎並非所有香港人都有同樣看法。蘇施黃昨日在其主持的商台節目《大玩派》中，點名批評香港乒乓球運動員黃鎮廷的衣著，更以「瞀里」去形容黃鎮廷。

她在節目中批評黃鎮廷的衣著，更直言因此而「忟忟哋」：「你睇下呢條瞀里叫咩名，叫黃鎮廷？呢個黃鎮廷，你睇下佢『呢啡』到……我著Polo Shirt一定會扣最底下粒鈕，你睇下佢啲Coach（教練）都有扣鈕，呢個係一個著Polo Shirt唔『呢啡』嘅表現，咁樣著先靚啲。呢個黃乜廷，佢著比賽嗰件衫，係全部啡開晒，好似預備去沖涼咁，我覺得肉酸到呢，可唔可以教下佢哋，點樣著佢哋啲Uniform（制服）呢？」

節目播出後，隨即惹來不少網民留言鬧蘇施黃無禮貌，不懂得尊重香港運動員。而前香港劍擊奧運代表李忠民在Facebook寫了一封致蘇施黃的公開信，回應她在電台中的言論，直斥蘇施黃以「茂利」形容黃鎮廷，對運動員有欠尊重，更稱蘇施黃應該先多了解體育才作出批評。

除了批評黃鎮廷的衣著外，蘇施黃亦在節目中批評香港單車隊的灰色制服設計毫無美感，更認為單車服胸口位置的兩塊紫荊花瓣圖案，中間深色陰影位置似乳暈。前無綫體育主播姚雋彥在Facebook留言反擊蘇施黃言論：「唔係把聲嘈就大晒！」

而單車運動員梁峻榮（肥榮）在完成男子全能賽後，亦有作出回應，他指出灰色單車服的設計，是為了在賽場隱身及更易做動作。對於其他人的評論，他坦言只會做好自己，更表示運動員一生所追求的價值，背後代表着一種去感染其他人的精神。