【不義之戰】首次拍攝動作電影周身傷 鄧洢玲:兩隻腳大髀瘀曬

撰文:
最後更新日期:

電影《不義之戰》一眾演員出首映禮。(梁碧玲攝)

鄧洢玲(阿旦)昨晚(24/9)身穿性感紅色吊帶裙現身銅鑼灣,出席電影《不義之戰》首映禮。阿旦透露首次拍攝動作片心情興奮:「我哋拍之前用咗三個月時間,去學拳腳訓練,又練槍械訓練,劇組更特意安排我哋到Wargame場體驗,因為之前未試過拍戲開槍,到我拍嘅時候我冇帶耳罩,一開槍嗰下聲音好震撼,嗰一下自己都估唔到咁勁。」

阿旦表示首次拍攝動作電影超興奮。(梁碧玲攝)

阿旦透露在拍攝對打場口時搞到周身傷:「因為自己係初哥,導演唔想我打到好似花拳秀腳嘅效果,叫我出盡力打落去對手度,要求我拳拳到肉,希望拍一兩個鏡頭就可以完成,咁所以好記得有一個鏡頭係我飛身用鉸剪腳,夾住對方個頭嗰場戲,足足拍咗十幾次,返到屋企之後發現兩隻腳大髀瘀晒。」

阿旦直言拍對打戲難免周身傷。(梁碧玲攝)

阿旦為呢套電影用了三個月時間鍛練拳腳功夫。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。