【癲佬正傳】父親秦沛經典作 姜麗文花22年先睇晒:睇到我好心痛

撰文:
最後更新日期:

Lesley經常請教爸爸學做戲。(梁碧玲攝)

姜麗文(Lesley)昨晚(8/10)現身將軍澳電視城出席《娛樂大家》節目錄影。提到父親秦沛在早年憑電影《癲佬正傳》勇奪香港第六屆電影金像獎和金馬獎「最佳男配角」雙料殊榮,演技備受肯定,作為女兒會否請教父親學做戲?Lesley直言Daddy都有提供意見:「佢成日都講我哋姜家嘅人對眼大,叫我做戲嘅時候唔好太過用力,除非發生大件事時,但如果係普通嗰啲場合時,就少啲用對眼就用把聲同個態度。」

Lesley表示電影《癲佬正傳》上映嗰年,就是她出世的年份,所以對她來說特別有意義。(梁碧玲攝)

港產電影《癲佬正傳》故事是以在82年發生,元州邨精神病人李志衡斬殺安安幼稚園學生案件作為藍本改編而成,當年在港上映時引起哄動。Lesley透露用了22年時間,先將套戲睇晒:「其實我每年都會試睇一次呢套戲,但每次睇到爸爸畀人打到流晒血嘅時候,睇到我好心痛,我一定要停,因為我唔想睇到有人打我阿爸,但到我22歲嘅時候,覺得呢套戲又係我叔叔(爾冬陞)佢寫嘅,咁所以鼓起勇氣睇晒佢。」

Lesley透露用了22年時間,先睇完父親成名作電影《癲佬正傳》。(梁碧玲攝)

Lesley表示從前每次在家收看電影《癲佬正傳》時,每看到戲中父親被人打到血流披面時,都表現痛心無法再收看下去。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。