【網紅獵人】拒做藝人揀做KOL Cherrie Tam︰娛樂圈唔啱自己

撰文:
最後更新日期:

從前要成名要有人認識,可能只有踏上星途,但網絡的興起,造就了不少機會,也造就了一班KOL(Key Opinion Leader)的出現,Cherrie Tam(譚雅元)也是其中一位。Cherrie在6﹑7年前開始拍第一條Youtube片,也可以算是香港比較早期的Youtuber,可能在她身上,我們可以了解到更多有關KOL或者Youtuber界的生態。

攝影︰梁碧玲

短片︰吳宇峰﹑李偉軒

剪接︰李偉軒

場地︰be Velvet

Cherrie形容自己是直接的女生。(梁碧玲攝)

發覺自己「坐唔定」 毅然辭去全職工作開始KOL生活

Cherrie樣子標緻,她在大學時期有做模特兒,也有簽過公司,組過女子組合Mi55,其他成員有羅彩玲(Vivian)、曾淑雅(Jumbo)等。「因為我以前間公司都比較新,佢唔知道點樣去令到你哋呢班人有人識。」Cherrie說,於是她自己再覓方法,「因為我唔係好鍾意show身材,又唔係好鍾意特登去講啲好嗲嘅嘢,所以我覺得我講扮靚呢啲好似係切合返我自己嘅性格,咁嗰時開始我就拍YouTube。」之後她就開始拍第一條YouTube片,慢慢再經營自己的IG,就積下一群粉絲。畢業後,她曾做過marketing的全職工作,但發覺自己「坐唔定」,決定辭去工作,全職做freelancer,除了做KOL外,現在她主要跟朋友合伙經營賣飾物的舖頭。

現在網絡上愈來愈多Youtuber,Cherrie坦言觀眾的要求也會變高。(梁碧玲攝)

+5
+4
+3

曾經「半隻腳」踏入娛樂圈 自覺性格並不適合做藝人

網絡紅人通常有兩種,一種是由零開始的素人,粉絲是慢慢累積下來,另一種是本身已是明星所以已有一定粉絲群的。Cherrie雖然有組過女子組合,也有出過寫真,但她指自己的followers也是慢慢儲下來的。那她為什麼當時Cherrie不選擇順理成章地加入娛樂圈?她直言︰「一來我覺得自己唔係一個做藝人嘅材料,以前我公司都有畀我哋學唱歌跳舞,但係坦白講,我唔鍾意,同埋我唔想學。」她覺得自己當時不算是踏入了娛樂圈,但也有見過不同的人,「我會覺得呢個世界(娛樂圈)其實唔啱自己,因為我個人好簡單,同埋我又唔係好鍾意擦人哋鞋,如果你話要我長期喺呢個圈子入面做嘢,我就覺得好似冇一個人係自己信得過,所以我就直情唔想做囉。」

Cherrie的Youtube片都是自己一手一腳學習然後剪的,而影相方面,多數都是自己set腳架影,或者叫她的另一半幫手。(Instagram@cherrietam)

一開始去活動覺存在感不高 談行內有人「搲job」做

近年愈來愈多人投身KOL的行業,而他們多job與否也是取決於名氣,Cherrie也坦言一開始跟現在當然是有分別,慢慢地開始會有PR留意,工作才會多,而她也曾經在開頭的時候去event也會有一種存在感並不高的感覺。那行內其實有沒有人真的是很積極的「搲job」做?Cherrie說︰「我自己唔會搲嘅,我唔鍾意做呢啲嘢,但係我有聽過有人會咁做。」都有PR跟她說有人會「搲」一些treatment做,但她會選擇自己畀錢做。

Cherrie給人的感覺直接爽朗。(Instagram@cherrietam)

談買粉絲現象「呃唔到人」 隨時會被發現

名氣大不大,IG的粉絲人數是其中一個指標,所以就會出現了一個「買followers」的現象,講起這個問題,Cherrie指自己沒有試過,「但係我有聽過,我知道有人買followers,跟住就儲啲真嘅,假嘅溝真嘅,儲到某啲數字,然後又真係成功咁引起人注意。」她又指︰「有陣時有啲好恐怖㗎,你見佢可能十幾萬(粉絲),但係可能佢啲like係得幾十﹑幾百,咁你一睇就知道『嘩咁假嘅』。」不過其實這些事都「冇得呃」,因為她指如果品牌找完他工作後,發現迴響不大,就會被發現,最後可能PR不會再找他合作。

化妝、整頭,或者生活上的事情,也是Cherrie的題材。(Youtube影片截圖@Cherrie Tam)

Cherrie認為在香港拍Youtube片其實有局限,要拍一些細小的題材,又或者未有人試過做的,例如幾年前有跟她的另一半拍一些couple片,而當時還未算有好多人做這件事。(Youtube影片截圖@Cherrie Tam)

點擊下圖睇觀看更多Youtube的花絮︰

+9
+8
+7

KOL外表光鮮錢好易賺?

收入方面,Cherrie坦言︰「而家同一開始嘅時候,都爭好多倍嘅。」出一個post幾千至幾萬也試過。對於網絡紅人的界別,外界會有一個感覺,覺得他們的錢很容易賺,外表也非常光鮮,Cherrie想作一個小平反︰「我覺得都係辛苦錢嚟嘅,因為其實做邊行都好,都係我睇你好,你睇我好,你話做KOL好似好舒服,有陣時去吓event,有陣時又有免費嘢用啊,的確係有陣時我收到啲護膚品或者化妝品我係慳咗一筆錢嘅,但係你問我係咪好辛苦做嘢?其實都辛苦㗎,有陣時你出咗一個同品牌合作嘅片或者post,你都會有啲壓力,係可能有啲人話『又係廣告』,有少少輿論壓力,咁我覺得同返工嗰種壓力又唔同。」

Cherrie的老公Gordon有時也會在她的IG和Youtube中客串一下。(Instagram@cherrietam)

Cherrie觀眾群也像跟她一起成長一樣,學生時代講講平價的化妝品,工作就講講名牌,她結婚時就講如何籌備婚禮。現在Cherrie有了BB,可能遲點更可以分享一下湊B的心得!(Instagram@cherrietam)

看淡網民負評 不會太介懷

不過,KOL也算是半個名人,網絡上也會自自然然有不同的討論,近年更多了一類會「狙擊」KOL的帖文,出現了林林種種的負評。Cherrie指網上也有對她的狠評︰「我知道佢哋有陣時會話Cherrie Tam係『Youtube界打不死小強』,佢拍咗好耐片,有陣時唔出,但係又死唔去喎,佢個人又唔沉寂。」除了攻擊她,更加有人會在網上攻擊她的老公,然後又會表明自己真的認識他本人,可是Cherrie回想,其實又不然。對於這些中傷,她的丈夫更看得開,她說自己有曾經不開心過,但又未至於極度失落,相信這是跟她的性格有關,「我又會覺得,冇乜嘢啊,你咪話囉,咁我都係咁樣生活㗎啫,總係有一班人會去繼續留意你啲嘢,但係一定會有人唔鍾意你嘅時候,我又唔會太介懷囉。」她覺得網民見到的可能只是網絡上的表面一層,其實並不是認識真實的她,所以她也未至於對所有負評上心。

點擊下圖睇吓更多Cherrie的靚相!

+23
+22
+21


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。