【解決師】24歲郭思model出身首次拍劇:劇組喺IG聯絡我試鏡

撰文:林通賢
出版:更新:
新人郭詩同丁子朗在劇中飾演情侶,郭詩更要主動追求他。(梁碧玲攝)

《解決師》昨日在無綫舉行記者會,焦點除了王浩信、馮盈盈外,劇中一班飾演中學生的演員亦相當搶鏡,除了「大台小鮮肉王」丁子朗外,和他在劇中演情侶的郭思亦吸引,郭思model出身,今次首度拍劇,入行經過亦特別,是透過IG被劇組認識,她說:「我自己係做model,之前都有拍過MV,比較多人認識可能係E-kids《終止戀愛》,劇組喺IG揾我去試鏡,我今次係第一次拍劇啦,咁真係好好彩試鏡成功。」

郭思在E-kids《終止戀愛》MV擔任女主角,她在MV中亦是飾演學生妹。

而今次在劇中郭思更要主動追求丁子朗,她表示是一個很特別的設定,她說:「呢個角色同我性格係相似除咗追男仔之外,但現實中我就比較被動,亦唔識俾暗示男仔,但喺劇入面我就要好主動咁追丁子朗。」而她非常感激唐詩詠,在劇中不時傳授拍戲經驗給她,她說:「詩詠真係好似一個老師,我第一次拍劇真係有啲「騰雞」,唔知應該望邊度,好彩詩詠提我,又好驚講漏對白,但詩詠就好幫我,會提點我應該點樣做,咁令我拍攝上好安心。」

郭思同丁子朗在劇中飾情侶,二人幕前和私下亦相當合拍。(梁碧玲攝)
+2