【解決師】唐詩詠突然蒼老嚇親網民 王浩信拍片造勢累事?

撰文:
最後更新日期:

呢個真係38歲嘅唐詩詠,唔知以為王浩信用咗老顏效果拍攝。

唐詩詠不時都會喺IG上載靚相,早前佢同田蕊妮結伴去日本時,對方再次成為其御用攝影師,唐詩詠更發文大讚:「有個識影相嘅朋友同你一齊去旅行,係一件好開心嘅事,但係奇怪點解啲相會Out focus,攝影師話,朦朦朧朧之下我會靚啲,我當然相信我嘅朋友啦」。

呢個係《香港01》攝影師版本嘅唐詩詠,好靚。(陳志嵐攝)

相信唔小人都深明「有個識影相嘅朋友真係好重要」呢個道理,昨晚(15日)唐詩詠出席《解決師》首集飯局時,同男主角王浩信齊齊亙相拍片,並分別上載到ig story。不過,或者係因為燈光、距離嘅關係,只見王浩信版本嘅唐詩詠一講嘢,額頭嘅火車軌即時現形,令38歲嘅佢瞬間變得蒼老,唔少網民睇完呢段十秒都唔夠嘅ig story,都不禁問:「小姐邊位?」反觀唐詩詠版本嘅王浩信,皮光玉滑兼靚仔,再一次印證「有個識影相嘅朋友真係好重要」。

唐詩詠版本嘅王浩信,皮膚好好,雖然有啲魚尾紋之外,但完全唔影響靚仔程度。

再睇睇唐詩詠平時喺ig上載嘅靚相,無論左、由、高、低咁影,都好靚架。

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。