一向羡煞旁人嘅黃翠如和蕭正楠，以夫妻檔現身超市活動，大放閃光彈，被問到係咪經常於家中「煮飯仔」，翠如坦言近日做「無『飯』主婦」：「近日工作比較繁忙，有時候連安坐享受一餐飯都好困難，要拜托助手幫忙買外賣。」

至於蕭正楠近日拍攝嘅電影剛剛煞科，較多時間休息及入廚，佢話：「日常間中都喜歡入廚，昨日就買咗西冷牛扒煎！除咗牛扒，最吸引到我嘅莫過於男人至愛『手工啤酒』，等一下也要大手買入！」倆人繼續大放閃光彈，曲線大曬恩愛，黃翠如質疑蕭正楠未獲自己批准，但今日決定放他一馬，實在令人羨慕！