李施嬅緋聞男友含金量高 否認專揀富二代:識我嘅人都知唔係咁!

撰文:黃欣華
出版:更新:

李施嬅憑TVB劇集《金宵大廈》人氣再度急升,更在入行16年後首次獲封為「民間視后」。其實她入行初期,多年來都未有代表作,反而感情生活感情生活,更多次傳出她不惜推劇停工專心釣金龜。日前,她去到商台節目《1圈圈》接受主持梁泰來的訪問,被直接問到是否專揀富二代男友,李施嬅竟然咁樣答!

李施嬅人氣急升!(梁碧玲攝)

李施嬅在2003年由加拿大回來參選港姐,2004年與鄧健泓拍拖,有傳二人當時更發展到同居階段,直至2009年,李施嬅停工返加拿大完成學業,她要求男方經濟援助,導致兩人因財結束五年情。被問到當年分手原因,李施嬅大方指:「其實佢唔係我鍾意嘅Type,佢好有藝術天分、好細心,當時爹哋生意失敗,有人關心特別打動嘅。但我同佢唔係好夾,唔應該係一對,五年受咗好多唔開心,好多負能量,因為我對感情好執着,好難放棄,好多朋友都話冇結果,但都拖拖拉拉咁耐,因為大家又一齊住,好難分開,直至我去加拿大讀書時,終於可以行出嗰步。」

二人分手後,仍然保持朋友關係!(鄧健泓FB圖片)

否認「開竅」專揀富二代:傳媒有時會咁寫!

自從與鄧健泓在2010年宣布分手後,李施嬅被指「開竅」,落力結交富二代,其緋聞對象包括仁濟主席吳守基、澳門威尼斯人高層Reggie Martin,名錶代理商忠信錶行億萬太子爺林嘉誠、投資公司董事總經理潘樹維、胡杏兒的老公李乘德(Philip)、大狀清洪契仔巫翊鳴和周潤發健身教練Anson等等,個個非富則貴。但李施嬅就否認自己專揀富二代男友:「冇呀,係咩?傳媒有時會咁寫,但其實都唔係呀,識我嘅人都知其實真係唔係囉。(有鄧健泓都唔係喇?)雖然佢唔係富家子弟,但佢有嘅嘢都會畀你。(咁而家有咩條件?)冇,其實只係想搵個對嘅人,要搵個頂得我順嘅人好難,因為現在嘅我,事業心好重。」

李施嬅太甜美!(IG/@selenaleelalee)

點撃下圖睇緋聞對象!

而李施嬅更講到希望好姊妹胡定欣和姚子羚找到另一半:「覺得定欣好難,因為佢係好強、好叻嘅女人,愈叻愈難搵另一半,我冇定欣咁強,佢強啲、比我仲更加挑剔啲,好想見到佢有另一半,同埋子羚,好想佢搵到一個值得佢愛嘅人。其實搵到有人頂得我哋順,都真係好難。」

加油!(IG/@selenaleelalee)
+9
發表評論...