【專訪】李君妍爆做親生女有成績表收: 返工遲到都會影響人工

撰文:賴家杰
出版:更新:

場地提供:海洋公園
主題:海洋公園哈佬喂

李君妍在2011年憑TVB武術選秀節目《功夫新星》入行,節目完結後便投身於演藝圈,在TVB工作。一入行便接近十年,她在演員路上演出的主要是一些閒置角色,在這些年才擔任一些比較重要的角色,例如在《她她她的少女時代》和《金宵大廈》的戲份才比較多。

君妍不經不覺已經入行十年,大家對她印象最深的作品,會否是《她她她的少女時代》?(電視截圖)

君妍自小住公屋,家教十分嚴格,她坦言因為沒有很強的背景就進入娛樂圈,所以有一個缺點,就是見識不及其他人:「我讀緊書時候屋企管得我好嚴,好多時候都冇得出街玩唔畀拍拖。相比起其他人佢哋可能會已經有得出街玩,周圍去旅行等,佢哋眼界都會比我多。所以踏入娛樂圈工作,佢哋同我比起上嚟佢哋都會行快好多步。初初入行時候真係好多事冇乜信心,覺得好大競爭,不過入行差不多十年,我都慶幸依家有返信心。」

2011年李君妍參加TVB武打綜藝節目《功夫新星》嘅照片。(受訪者提供)

家境不富裕,人脈不強勁,在娛樂圈其實是幾「蝕底」,能夠堅持追夢近十年,真的值得一讚。然而君妍很清楚自己追求的事業和目標:「每個人慾望要求唔同,我唔會話一入行我就想要一架跑車,咁我都負擔唔到,不過我都係有幾多洗幾多。其實我本身冇背景,咁我工作機會比人少都係真,但今日我能夠行到呢一步,我覺得算係咁,其他人可能仲慘,頭幾年會覺得冇乜機會就已經離開呢一行,起碼我冇放棄。」

君妍笑言因為性格不服輸,所以現在還繼續堅持做這一行。(葉志明攝)

早前在《她她她的少女時代》雖然是飾演配角,但劇中角色突出,被喻為超越余思霆成為新一代的「姣精」。有迴響當然是好事,但被稱作是「姣精」,應該沒一個女生會喜歡,「其實我睇劇本時候我冇諗到會咁樣,點知出到街會畀人覺得係姣精。咁我都唔會唔開心,反而我會覺得呢套自己成功咗。」

要說下一個十年好像太早,但君妍為達成目標已經在做小生意賺更多錢,也希望在演藝圈擔任女一女二。(金宵大廈劇照)

去年君妍終於得償所願能夠與TVB簽約,成為TVB的「親生女」(經理人合約),契機是她原本的舊約就快完結,之所以能成為親生女,她透露每個藝員都有一張成續表評核大家的表現,她說:「其實佢哋睇完我份表之後覺得ok,所以就俾咗一個機會我簽經理人合約。其實公司內部有好多細節上我唔清楚,但都會mark一年拍幾多部劇,有幾多商演咁樣。我聽講有人因為服裝部讚佢,所以傾合約時候加佢人工。就係因為服裝同事對佢印象好,唔單單只係睇你劇集表現,連對人處事,返工有冇遲到都會加埋落去。可惜我到依家都未試過因為咁樣畀人加人工。」

相比起以前,君妍表示現時人工比以前只是賺多了一點點而已。(葉志明攝)

成為了「親生女」,角色上當然會有更多發揮和戲份,但與未成為「親生女」前有多大的分別?她表示:「未簽經理人合約之前,當我喺公司做咗7-8年,好多助導都會只係搵我做路過嘅角色。以前都有少少介意,所以依家都好珍惜每一個機會。」

君妍承認自己名氣不算大,在街上很多時候途人也未必喊得出她的名字,所以她希望努力讓更多人認識她。(葉志明攝)

最後不得不提,其實君妍經《功夫新星》入行,就算節目完結後也繼續堅持習武和健身,目的很簡單,就是希望公司能給她一些「打女」角色,她說:「其實公司唔多我呢類型女仔,同埋打起嚟真係好有型,所以希望可以挑戰下。」

睇更多同李君妍去海洋公園哈佬喂玩嘅相!

+40
你可能感興趣