【牛下女高音】張振朗化身癡情粉絲 遠距離偷望林峯: 佢好Charm

撰文:賴家杰
出版:更新:

張振朗今天(31日)出席《牛下女高音》的宣傳活動。劇集播至中段,觀眾的評價不俗。提到劇中女主角黃心穎的對白被套用在她自己身上,例如「我唔會搞人老公」、「我唔會做小三」等,繼而成為劇中「金句」,振朗受訪時直言:「其實我冇同心穎聯絡好耐,廢事打擾佢。但證明套劇原汁原味,冇剪過,照播出。」

振朗很喜歡劇集的前輩的演出。(梁碧玲攝)

最近振朗忙著拍攝電視劇《使徒行者3》,還透露自己在拍攝過程中對一個男演員動了心:「其實對林峯又唔算鍾意嘅,應該咁講,我見到佢覺得佢好Charm。對上次合作已經6,7年前,依家再對住佢,發覺,唔怪得佢咁受歡迎。」

振朗大讚阿峯有魅力和吸引力,但澄清沒有懷疑過自己的性取向,他是喜歡女生。(梁碧玲攝)

振朗繼續大讚阿峯,還揭露他在片場的行為:「佢真係好有愛,佢對好多人好好。我喺佢身邊都會感覺『哇,林峯呀!』,尤其佢對前輩真係會講好耐冇見,佢哋對上一次合作係幾時,佢真係有記入腦,同埋主動問啲前輩係咪唔舒服,會叫佢哋坐下抖下。(你係現場粉絲!)係呀,琴日我特登同幾個訓練班坐遠少少,幾個人喺度睇佢做戲偷師,因為真係好少會見到林峯。」

振朗現場沒有與阿峯聊他結婚的事情,因為他覺得男人之間不用說這些。(梁碧玲攝)