【嫁到這世界邊端3】與已婚比利時男八年地下情 港男終修成正果

撰文:
最後更新日期:

TVB真人騷《嫁到這世界邊端3》最新一集就迎來最爆「人妻」Stephen,香港男子Stephen於兩年前下嫁比他年長二十年的比利時設計師Christian。這段同性婚姻的特別之處在於Christian是一位傳統天主教徒,並且已婚,育有三名子女,有個完整的家庭。Stephen與Christian足足經歷了8年的地下情,最終排除萬難,共諧連理。

今輯最爆「人妻」終於登場!(電視截圖)

在香港土生土長的Stephen,讀傳統男校,性格溫文內向,有一顆女兒心。他自小已喜歡男生,和周圍的男生格格不入,和家人的關係亦十分疏離,尤其爸爸、親友都視他為異類,更曾有朋友當著他面說同性戀令人作嘔。Stephen於二十出頭便離開令他窒息的香港,拿着獎學金到比利時攻讀政治學。問到為何會主動公開自己的故事,Stephen講道:「雖然我唔係一個女人,但我都叫嫁到這世界邊端喎。我而家結咗婚都兩年,結婚嗰一刻都決定咗唔再收收埋埋,可能其他人行緊自己嘅路都可以睇到我哋個故事,會覺得即使自己同社會(主流)唔同,但都冇問題,都可以咁開心,唔駛覺得孤單。」

Stephen讀書相當叻!(電視截圖)

主動公開自己的故事,相當難得!(電視截圖)

Stephen當年以優異成績畢業並獲一間比利時銀行聘用做分析師,從此於比利時定居。後來,他透過網上交友平台認識Christian,雙方墮入愛河後,竟發現對方竟然是一名有婦之夫:「一開始唔可以好公開,因為佢搞咗好多年都離唔到婚。我哋一齊嗰十年之間,我諗有7至8年佢仲係未離婚嘅狀態。當然一開頭會有好多幻想,將來可以成家立室。但好快就有少少幻滅咗。」

他們於網上認識,相約見面後幾乎一見鍾情!(電視截圖)

後來發現對方有一個完整的家庭!(電視截圖)

當兒女長大後,Christian發現已經無法回去面對妻子,帶著面具生活。三角關係糾纒七年後,Christian決定離婚,雖然當時亦遭到自己父親強力反對。但最後,兩口子排除萬難,終於開花結果,最後於比時利註冊。後來Christian的爸爸過身了,媽媽也開始接納了Stephen這位「新抱」,邀請他參加家庭聚會,Stephen便漸漸融入了男家。而Stephen在婚後亦鼓起勇氣同家人交代:「結咗婚之後就同屋企人清清楚楚交代返呢件事。」

Christian用一張卡求婚!(電視截圖)

目前二人相當幸福!(電視截圖)

點撃下圖睇更多二人交往過程!

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。