林峯缺席林夏薇新店開幕 派未婚妻張馨月到賀成焦點

撰文:
最後更新日期:

林峯早前孖未婚妻張馨月出席陳山聰婚禮偷師。(資料圖片)

早前爆出林峯已經入紙申請同女友張馨月註冊結婚,雖然佢地未有正面回應婚期,但亦唔使再收收埋埋,之前佢地就首次孖住現身出席陳山聰婚禮。一個成功男人背後總有個賢內助,張馨月呢日就以未來阿嫂身份,代男友出席堂妹林夏薇食肆開幕禮。

張馨月以未來堂大嫂身份,親自向林夏薇送祝福(視覺中國)

林夏薇同林峯一向感情要好,呢次舖頭開張雖然阿峯未能親身到賀,都有派未婚妻出席。身穿卡其色連身長褲腳踏白波鞋嘅張馨月,為免搶焦點低調到場,亦無接受訪問,有記者追問婚期係咪下個月都笑而不語,只係痴實林夏薇影合照。

張馨月未有接受傳媒訪問。(視覺中國)

既然未來堂大嫂唔答,林夏薇又有無露口風呢?有傳林峯已經開始派帖,佢接受訪問時話:「我仲未收到喜帖呀,係咪今年都唔知。最近喜事連連,好多人都踏入人生新階段,自己都會開始構思買咩實用嘅結婚禮物俾堂哥。」

林夏薇話對於林峯婚禮如大家知道嘅消息差不多。(視覺中國)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。