楊柳青拍《催眠.裁決》演女殺手 唔怕開槍卻被另一場戲難倒?

撰文:
最後更新日期:

「新一代打女」楊柳青(Wiyona)最近演出多多,不但在無綫(TVB)台慶劇《解決師》中飾演性感秘書,亦有在新片《催眠·裁決》中飾演職業殺手,與對手槍戰兼埋身肉搏。雖然動作戲對楊柳青來說駕輕就熟,但原來她是首次拍攝槍戰場面:「成日都忍唔住眨眼,唔識點揸槍,好彩遇到今次動作導演錢嘉樂,我同佢第一次合作,喺佢身上獲益良多,佢唔單止教我點揸槍,仲教我好多拍動作戲技巧。」

楊柳青直言跟錢嘉樂合作後,即封對方為偶像,期待可以再度合作:「平時見佢演嘅角色好搞笑,但佢一去到片場就會好認真,佢仲分享咗好多做動作演員嘅經驗畀我,以前我NG會覺得尷尬,怕影響到其他演員,係佢同我講動作演員唔應該怕NG。」

楊柳青指自己在錢嘉樂身上獲益良多。

楊柳青又指今次拍攝最高難度並非槍戰場面,而是一場抽煙戲,搞到她頻頻NG:「平時我係唔食煙,今次第一次要拍食煙鏡頭,可能出嚟效果唔夠型,所以頻頻NG,一個簡單食煙鏡頭,一食就食咗半包煙,唔慣煙味,邊拍邊想嘔,拍完呢場戲,聲都沙埋。」犧牲甚大。

此外,問到楊柳青除了打之外,還想演什麼角色?她笑言不敢貪心,想繼續從武打方面讓觀眾認識她,她表示:「希望可以楊盼盼、楊紫瓊、楊麗菁後,提起武打女星,大家會叫得出楊柳青。」

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。