【解決師】嚴選5位搶眼過主角嘅配角 鷲哥一劇爆紅未算最勁

撰文:
最後更新日期:

《解決師》開播至今,雖然劇情老土,但收視平均都有27點,當中最搶鏡的一定是飾演太子的李天翔,劇中亦忠亦奸,人物角色複雜,令觀眾難忘,網民甚至覺得他的角色比主角王浩信及唐詩詠吸引,除了今次李天翔外,以往無綫劇都不是出現主角殺手,每次出場都會將主角比下去,就好似2016年《巨輪II》入面的奸角鷲哥(吳岱融飾),當年在劇中超搶鏡,連視后田蕊妮都唔夠佢嚟,不過他在主角殺手榜排名只排第二......

麥包飾演的何非凡奸得嚟勁縮骨,當年睇到人咬牙切齒。(無綫電視截圖)

「食屎啦!梁非凡」如果當年有追看《巾幗梟雄之義海豪情》,應該會記得黎耀祥這句經典對白,黎耀祥憑這套劇集第二次奪得視帝,不過最搶鏡的一定是麥包,麥包在劇中飾演警察隊長,奸得來又勁「縮骨」,專攞下屬功勞當自己,演活一個乞人憎的上司,令他當年贏得〈最佳男配角》。

+4
+3
+2

李天翔雖然離巢,《解決師》為他的無綫最後作品,其實都算完美句號。(無綫電視截圖)

李天翔今次在《解決師》光芒四射,在無綫做了24年,離巢前遇到這個重戲角色,可算是一個完美終結,劇中他飾演太子,一個黑幫頭目的兒子,外型瀟洒,劇集一出已經有不少網友讚他型過王浩信,而李天翔就表示自己沒有想過角色有迴響,他說:「冇諗過,因為我拍嗰陣唔係收齊劇本,逐啲逐啲所以唔係好知原來咁多戲,所以出到嚟大家咁鍾意,自己都好意外,多謝哂大家。」

袁文杰《不懂撒嬌的女人》一角彈起,更成為男神。(無綫電視截圖)

提起袁文杰可能你要諗一諗,但講起游生大家一定知邊個,游生令袁文杰一劇爆紅,就算喺亞視二十年做男主角,人氣度都唔及喺《不懂撒嬌的女人》做配角咁多人識,呢個角色可以話為袁文杰度身訂造,高富帥令他成為一眾師奶殺手,更火速成為無綫親生仔,而家游生更劇接劇相信事業會去到另一高峰。

相信網民對呢張相唔會陌生,幾乎每日Whatsapp都收到。(無綫電視截圖)

鷲哥唔駛講,近年最成功奸角,幾乎每日WhatsApp谷都收到鷲哥Sticker,經典一幕一定係將錢掟上天然後鬧李佳芯臭雞,當時李佳芯仲未係視后亦未坐穩女一位置,吳岱融亦憑鷲哥一角鹹魚翻生,亦成為有型大叔的代表,如果無綫有年度奸角選舉,鷲角一定攞到獎,大家未必記得《巨輪II》但一定記得鷲哥,就連女主角田蕊妮當年宣傳都講過::「啲人唔係想睇《巨輪II》而係想睇鷲哥。」就知呢個角色威力一

+3
+2

laughing gor當年真係可以用震撼網絡嚟形容,亦發揮到fb作用,到而家都無一個角色可以做到呢個效果。(無綫電視截圖)

鷲哥咁勁點解都要排第二呢?因為第一真係實至名歸,時間回到十年前,《學警狙擊》這套警匪劇紅爆網絡,主角係吳卓羲、陳鍵鋒,但彈出嘅係一班配角,天爺林利,飾演孝哥嘅三哥,但最搶鏡一定係謝天華演嘅Laughing gor,呢個角色彈起連劇組都冇諗過,當年劇集去到一半已經有網民開始吹奏,及後網民知道Laughing gor 要死,更有網民為佢喺facebook開專頁公祭,當年大家玩facebook未去到而家咁爐火純青,但laughing gor已經hit 到有14萬人到facebook悼念,及後令無綫要補拍結局安慰網民,謝天華亦憑此角色一劇成名,之後更開拍了電影《Laughing Gor之變節》揾嚟黃秋生、吳鎮宇助陣,亦開拍了劇集《潛行狙擊》令謝天華事業去到高峯,而《潛》劇亦大收,邵氏再開多一套電影《Laughing Gor之潛罪犯》

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。