【早霸王】女聽眾稱同表白對象好夾 森美揭人夫真相後靜過太空 

撰文:
最後更新日期:

森美今日開咪讀出聽眾感受。

森美、小儀、Marco主持《早霸王》嘅「你知道唔知道有人掛住你」撮合過唔少情侶,女聽眾Ada今日打去節目,表示想同一位相識多年嘅大學同學示愛。「一直都好friend,不過大家太受歡迎所以無一齊。最近突然多咗聯絡,講返以前嘅開心同sweet嘢,所以覺得唔想再錯過。」
 

得知表白對象原來已婚,森美又扮人口普查,又扮財務公司,非常好笑。

由多年好多變拖友嘅個案,都唔係未試過喺《早霸王》出現。當森美問到「有無曖昧過?」嘅時候,Ada就話試過曾經同朋友飲酒飲到好醉,友人於是夜半急call呢位心儀對象出嚟照顧Ada,聽落好似都有少少sweet。之後問到「有無單獨出街先」,Ada話之前同對方一齊睇林海峰,雖然森美同Marco都覺得搵朋友睇騷好正常,但Ada就堅持「所以覺得同佢好夾」,並強調早前同對方食生日飯,但一問到是否兩個人的約會時,Ada就話係「三人行」。森美認為如果男方對Ada有意思的話,點都會造就到二人世界,甚至指出「男仔同女仔朋友都可以好好傾,如果真係鍾意你,佢一定會借啲意約你行山、食飯。」

今次嘅「你知道唔知道有人掛住你」,由於女聽眾似笑非喊咁,令成件事留下了一個謎。

就咁聽Ada講,都似係佢單方面發展,直到森美問「佢有無問你點解無男朋友」時,Ada話無,但對方就曾經笑佢成日鍾意埋啲核突嘢,森美追問:「咁佢有無話試下我呢啲型嘢?」Ada一句「佢成日講㗎!」即時令成件事出現曙光!森美即時打俾Ada嘅表白對象Willy,並表示:「我哋係感情節目,係命運的安排打比你,愛情方面你寂唔寂寞?」Willy一而再表示「唔寂寞」,仲話「我有好多愛,因為我有個老婆囉......」錄音室又再一次靜過上太空……得知Willy已經結婚4年之後,森美當然唔容許Ada呢個表白機會發生。電話次後再次接通Ada後,森美第一時間問佢係未Willy老婆,但Ada就強烈否認,當森美問到「你知唔知佢結咗婚」時,Ada即緊張追問「佢話咩呀?」,當聽到森美表示:「佢結左婚, 4年喎」時,Ada發出一陣唔知笑定喊嘅聲音……然後……就沒有然後了。既然係相識多年嘅朋友,Ada理應會知道對方已婚4年多,如此明目張膽想向人夫表白,難怪森美會覺得被玩。
 

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。