【幸福三重奏】傳曾交47任男友 陳意涵親回應問老公信唔信

撰文:
最後更新日期:

陳意涵去年下嫁導演許富翔。(視覺中國)

兩夫婦不時放閃(微博:許富翔DIR)

娛樂圈中好多傳聞,有人會覺得空穴來風未必無因,只要當事人唔回應,傳下傳下就好似變成已Fact Check大家都當真。「陳意涵曾交過47任男友」可算係其中一個都市傳說,呢日陳意涵喺節目中親自回應,兼喺鏡頭面前問老公信唔信呢個傳聞。

陳意涵曾經同多位男星傳緋聞,其中一位係彭于晏。(微博:陳意涵)

趙又廷都傳過緋聞(微博:陳意涵)

陳意涵去年同台灣導演許富翔奉子成婚,今年初誕下囝囝小初,一家三口相當幸福。最近佢地兩夫婦參與內地綜藝節目《幸福三重奏》拍攝,新一集中陳意涵主動提起關於佢「曾交過47任男友」呢個傳聞,佢話:「就算從1歲就開始交男友,現在也不可能交到47個,重點是每個人都相信!你(許富翔)有相信過這個傳聞嗎?」仲當眾問老公信唔信,許富翔諗都無諗就力撐太太:「當然不可能。」

陳意涵親自回應曾有47任男友呢個都市傳說。(微博:綜藝插班生)

到底呢個傳聞係點嚟呢?陳意涵入行以來人緣一向相當好,男女閨密一大堆,同彭于晏、趙又廷、陳柏霖傳過緋聞,本人承認戀情嘅就有髮型師Tom、坤達以及李運慶。但47呢個數字,深究起嚟出處應該係來自14年佢自己嘅一個留言:「如果一副眼鏡是一男友,我目前同時跟47個人交往中」,然後以訛傳訛變成都市傳說。

相信14年呢篇微博就係傳聞嘅源頭。(微博:陳意涵)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。