【解決師】唐詩詠《兄弟幫》自爆初戀經歷:佢好靚仔好似阿Bob

撰文:冼燕珊
出版:更新:

TVB台慶劇《解決師》故事圍繞校園發生,唐詩詠在劇中飾演美女教師Jovy,與O Sir (王浩信飾)有浪漫感情戲。詩詠和丁子朗早前作客無綫節目《兄弟幫》,亦分享了自己在學生時期的初戀回憶。

詩詠自爆中學時期是「箍牙妹」一名,非常沒有自信。(影片截圖)

詩詠自爆中一到中四都是「箍牙妹」,因為有兩隻爆牙,媽媽勒令她一定要箍牙,令她欠缺自信,面對心儀的師兄,也只敢遠遠觀望對方打籃球。不過聽阿媽話是對的,箍完牙即刻靚晒,馬上有師兄追求,過程仲相當浪漫!對方原來跟她住同一區,每天搭同一架小巴返學,趁她在圖書館溫書時,託人送張字條約她出街。詩詠甜絲絲地回憶說:「佢又係籃球隊隊員,咁我覺得佢又幾有型,咁我就赴約喇。」

詩詠指初戀是籃球健將,大讚對方有型。(影片截圖)

之後二人開始拍拖,直到有一年情人節,對方送鑽石戒指給自己,此舉嚇怕詩詠,她拒絕收下禮物兼分手,主持林盛斌(阿Bob)說:「咁都唔使唔一齊呀,最多唔要隻戒指。」詩詠笑說:「細個就係唔識諗,而家後悔啦。」詩詠多次強調初戀男友好靚仔,早幾年重遇對方,大讚對方Keep得好好。問到外貌時,詩詠竟然對阿Bob:「我好似話過畀你知,你似我初戀,隻眼好似你咁好大又戴眼鏡嘅......不過要Cut細啲塊面,同埋佢有好多頭髮……」好靚仔但同阿Bob好似樣,想像唔到呀!不過詩詠歷任男友都唔係典型靚仔……

詩詠又話初戀好靚仔,但又話同阿Bob好似樣......(影片截圖)
其實阿Bob中學時期都打過籃球,佢當時都仲有頭髮......(微博圖片/林盛斌)
+11