【牛下女高音】龔慈恩呼籲珍惜身邊人 :坦白都好緊要

撰文:賴家杰
出版:更新:

龔慈恩演出的《牛下女高音》這個星期踏入結局周,眾演員作最後宣傳,今天(12日)在TVB電視場城出席宣傳活動,她說:「我哋拍攝時候大家真係好開心,好多歡樂場面。同埋大家好耐冇拍輕喜劇,加上大家想一齊正面面對唔開心嘅事。」

龔慈恩指拍攝現場大家真的很歡樂。(梁碧玲攝)

劇集接近尾聲,劇中的角色要面對生離死別,令觀眾忍不住掉眼淚。她說:「跟住呢幾集會有重大事發生,生離死別真係有。其實呢部劇想帶畀大家好多訊息,人生有好多事發生,但可以用唔同方式面對。譬如我演嘅角色係好小氣又疑心重,但經過一啲事情而會去改變。咁其實睇完套劇都可以畀觀眾有呢個訊息,咁係好正面,都要珍惜身邊人。」

睇完《牛下女高音》大家又得到咩啟發?(梁碧玲攝)