【45歲生日】張智霖牛一萬人賀壽 靚靚高歌《夢伴》助興
撰文：葉衛青
出版：更新：
Chilam生日大日子，點可以缺少自己的最愛呢﹗老婆靚靚突然現身台上，更與全場逾萬粉絲一齊唱生日歌慶祝，場面感人。
張智霖在上海舉行個人巡迴演唱會尾站，生日於工作中度過。
張智霖（Chilam）昨日（27日）45歲生日，正日當天剛好在上海舉行個人巡迴演唱會尾站，生日於工作中度過。
昨晚演唱會全場爆滿，Chilam獻唱多首經典名曲，期間老婆袁詠儀（靚靚）突然從後台推出兩層高、有Cool魔造型的生日蛋糕踩上台，隨即引發全場逾萬粉絲向Chilam唱生日歌慶祝，靚靚更向老公送上祝福：「生日快樂，祝你身體健康、愈賺愈多、繼續為我及兒子服務。」逗得全場觀眾大笑。Chilam即時許願：「我的願望非常簡單，就是希望在座每一位都幸福快樂。」場面感人又難忘。
今次巡唱上海最後一站，Chilam對靚靚笑說：「兩年前，我在港開騷，她上台開金口唱了一至兩句梅艷芳的《夢伴》，我不明白她為甚麼只唱一兩句，是否故意的。」靚靚即說：「最好的東西當然是留在最後。」緊接Chilam將舞台交給靚靚，隨即響起《夢伴》的音樂，靚靚非常滿足地大嗌一聲yes！今次靚靚冇甩拖，唱晒成首《夢伴》，台風亦仿照阿梅，雖然有少少甩，但已唱得相當不錯，為演唱會掀起高潮。
靚靚大嗌一聲yes！唱晒成首《夢伴》，台型十足。
上海粉絲高舉生日快樂牌，祝賀Chilam牛一。