【30分鐘大放餸】Yanny@Super Girls廚藝勁 自爆用美食箍住男友

撰文:
最後更新日期:

由盧頌恩(妹頭)、黃芳雯、鄺芷凡主持的香港開電視節目《30分鐘大放餸》,日前邀請了樂壇女子組合Super Girls成員Yanny陳穎欣擔任星級嘉賓,席上Yanny除了炮製4款東南亞菜式外,又與主持人妹頭大談入廚心得,坦言女士們要有一手好廚藝,才能成功箍住另一半的心。

Yanny以嘉賓身份參與香港開電視節目《30分鐘大放餸》。(香港開電視)

節目中,Yanny表現有板有眼,更被一眾工作員封為「煮得之人」,Yanny表示:「因為自己好鍾意食嘢,想隨時隨地都有嘢食,所以唯有靠自己。我最拿手就係善用廚餘,我會將喺街食飯剩嘅廚餘打包番屋企,然後再重新調配成為另一味菜式。」問到會否用美食箍住男友陳考威的心,Yanny甜絲絲表示男友最愛牛油雞翼,平時多數謝絕男友入廚幫手,她笑說:「我嘅另一半,多數都超級有口福,因為我會喺對方未開口話肚餓,已經煮定晒嘢食,最難忘有次整咗壽司卷畀對方,但因為把刀唔夠利,切唔到,最終要對方成條壽司卷咬住食。」

Yann指男友陳考威最愛牛油雞翼。(香港開電視)

Yanny熟練的廚藝,就連身旁的妹頭亦感到驚訝,自嘲廚藝麻麻的妹頭,表示一年最少入一次廚,但每次都是失敗而回:「我都有煮飯畀男友食,通常大時大節,好似聖誕節咁,我都會親切下廚,年年煮,年年都失手,煮飯對我嚟講有啲壓力,又或者可能我太求其,出嚟效果都唔太好食。(男友有何反應?)被迫都要食晒同讚好味,哈哈。」妹頭笑言會向Yanny拜師學藝,希望成為小廚神。

妹頭笑言會向Yanny拜師學藝。(香港開電視)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。