【多功能老婆】周柏豪盡公民責任去投票 重新使用IG:近期都有玩

撰文:
最後更新日期:

柏豪出席台慶劇《多功能老婆》記者會。(梁碧玲攝)

自6月反修例風波發後,周柏豪在7月尾時,在IG和微博呼籲港人記得登記做選民,及後不少內地網民在帖文下留言責罵,並表示對他感到失望,之後有網民發現他將多年來在IG內照片清空,事後出席任何公開活動都「封咀」不接受訪問。

柏豪在劇中飾演一名富二代,身邊美女如雲。(梁碧玲攝)

11月25日晚柏豪出席無綫劇集《多功能老婆》記者會,興奮表示好期待新劇播出:「好記得呢套劇喺上年3月時開拍,去到宜家都有年半時間,喺劇裡面我同黄浩然、洪永城有打交又鬧交嘅場面,當中有血有淚,成套劇好有人情味,所以今晚首播一定同屋企人一齊睇。」

柏豪直言在理財方面比較弱,所以會全權交畀太太負責處理。(梁碧玲攝)

被問到剛過去星期日有否盡公民責任去投票?柏豪話有去投票。至於會唔會怕咗唔敢再玩IG?,柏豪表示:「近期都有玩,因為要宣傳套劇,所以都有Post咗一啲關於劇嘅一啲宣傳,希望嚟近都會分享呢套劇嘅劇情嘅發展嘢畀大家,另外都會睇情況喺社交媒體分享自己日常嘅動態畀大家知嘅,咁所以大家唔使過分擔心話見唔到我。」

柏豪表示仍會在IG發文貼相,與網友分享日常。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。