袁富華角逐金馬影帝鎩羽而歸:我失落影帝但無失落自己

撰文:
最後更新日期:

袁富華憑電影《叔‧叔》入圍台灣金馬獎角逐影帝,可惜最終鎩羽而歸。呢日佢為香港開電視拍攝《開工大吉77》節目時坦言:「係呀,我係失落影帝,但無失落自己!」

呢次角逐金馬獎影帝雖然未能得獎,但袁富華已經覺得相當開心。

早前佢同電影團隊到韓國影展大開眼界,坦言向來對獎項抱平常心:「獎項唔係演員的最終目的,演員最終目的係做好每一個角色!喺任何頒獎禮上,如果可以得到提名,其實已經好開心同感到被認同了!」再者,袁富華笑言喺影壇資歷尚淺,去年已憑電影《翠絲》首奪最佳男配角,如果今年問鼎影帝,佢笑言:「唔好太快,太快我會驚架!」

早前同電影《叔‧叔》團隊到韓國參加電影節(Facebook:@袁富華)

在電影《翠絲》中,袁富華飾演跨性別人士,而在電影《叔‧叔》中則飾演男同性戀者,和太保有不少親熱戲和親嘴戲,說到拍攝期間趣事,袁富華爆料說:「同太保拍第一場咀戲,太保好激烈咁咀落來,導演即刻嗌cut,叫佢要慢慢嚟,太保話劇本寫好激情,佢都係跟劇本做,大家聽完笑到肚痛!」連番演出性小眾角色,袁富華無懼被定型說:「作為演員唔可以怕被定型架,況且我除左演性小眾,都有演其它不同類型角色,我自問都扮果樣似果樣架!」

雖然語言不通但一樣感動唔少韓國觀眾(Facebook:@袁富華)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。