麥明詩唔做無綫親生女改簽「一年一騷」 回歸老本行做律師?
撰文:洪曉璇
出版:更新:
+1
近年TVB花旦好似胡杏兒、鍾嘉欣、岑麗香相繼離巢結婚生BB,TVB急於推小花上一線,當中2015年「十優港姐」麥明詩,卸任後工作機會不斷,但呢日傳出佢拒絕再做親生女﹗
現年27歲嘅麥明詩當年參選港姐時,挾英國劍橋大學法律系畢業兼「十優狀元」之名,大熱奪冠,其後喺TVB獲大量演出機會,明珠台英語節目《港生活·港享受》和《明珠生活》擔任主持人,2016年8月飛往巴西里約熱內盧採訪報道里約奧運。
17年中Louisa孖住陸浩明馮盈盈擔任《#後生仔傾吓偈》主持人,犀利言詞火速上位,更成為多個大騷包括《2017勁歌金曲頒獎典禮》、18年《萬千星輝賀台慶》主持之一。除咗主持之外,劇集方面演出機會亦不斷,《使徒行者2》、《是咁的,法官閣下》等都有相當多戲份。
剛過去11月19日台慶未見Louisa蹤影開始惹起外界關注,連日來只見到佢分享沖繩靚相,亦喺IG提到自己心情低落,故請假一個月旅行休息。有指TVB早就搵佢傾續約,但去年喺美國考獲執業律師資格嘅Louisa,希望有更多私人時間,故堅拒續約做親生女,改簽一年一騷合約。我地就呢件事聯絡過Louisa但截稿前暫未獲回覆。
+3