【不忘多謝黎明】JW開騷叫周國賢除衫︰我中學時期當他係男神
撰文：鄺鈺瑩
出版：更新：
JW(左四)跳舞時的歌衫未算非常性感，她表示想要女人味多一點。(符祥定攝)
JW（王灝兒)於九展舉行入行首個個唱，首晚獲不少圈中好友撐場，如鄭欣宜、許廷鏗、糖妹、應昌佑、鄭融、鄧紫棋(G.E.M)、李蘊、何超蓮等。身穿白色tube dress的JW於7時45分現身台上，以《飄浮女孩》為個唱揭開序幕，在唱罷《傳聞》之後，JW與數十名女dancers 於台上大跳《太空人》以及《Juicy Girl》，雖然JW的舞步明顯與dancers唔多同beat，但其deep V歌衫以及一字馬舞步卻十分搶鏡。
唱足一個多小時後，JW才開聲說話，並起哄又叫周國賢除衫。(符祥定攝)
由於演唱會以一對情侶由交往到分手的故事貫穿，所以JW開場近個多小時都未有說話，直到嘉賓周國賢出場之後，JW終於發聲：「Hi ，Thanks Endy，我中學時已經當他係男神，我喺IG見到佢唔着衫，唔知點解佢今日有着衫出嚟。」之後JW更吩咐台下歌迷一齊大嗌周國賢「除衫」，周國賢即時表示其實自己都會在9月底舉行演唱會，想睇除衫的話到時可以留意。
除了自己歌之外，JW亦有唱《想你的夜》、《黃金時代》、《我代你哭》的曲目。(符祥定攝)
多謝屋企人支持
與周國賢合唱《目黑》後，JW表示非要感謝大家的支持，並謂：「我成日以為自己好多嘢要講，但現在一片空白。好多謝屋企人，特別係爸爸，他常常不停loop我的歌，爺爺成日搶心我做歌手唔穩定，但相信如果他看到今晚的場面，一家會好放心。」唱罷《矛盾一生》、《自由飛翔》後，JW再次感謝大家的支持。「多謝舊公司，多謝黎明、Joe（陳善之）、Alvin（王凱文）沒有他們，我唔會入行。」接着便唱出《男人信什麼》。完騷後，JW訪問時透露心情依然緊張：「其實之前在雷頌德演唱會有跳過舞，不過今晚好緊張，但都已經好滿足，好享受在台上的感覺。」
JW的緋聞男友(右二)現身捧場。(符祥定攝)
李蘊、何超蓮、G.E.M三位好姊妹齊齊結伴睇騷。(符祥定攝)
欣宜、許廷鏗及胡鴻鈞也有到場支持JW。（符祥定攝）