李佳芯疑遭TVB雪藏 男友陳炳銓指時機合適:佢需要長時間休養

撰文:
最後更新日期:

陳炳銓(Danny)今晚(29/11)在九龍灣出席ViuTV節目《娛樂風雲》慶功宴。飾演導演的Danny在戲中經常戴住太陽眼鏡,他坦言這個設定好考演技:「其實冇眼神交流,反而要做好多表情同反應,喺演嘅時候要攞時間節奏,但有對眼演戲係會豐富啲嘅,始終都會有返啲層次啲同立體,其實如果大家有留意嘅話,我係冇直視過鏡頭,因為會反晒光所以要不停咁避。」

Danny在劇中飾演導演角色,經常戴住黑色太陽眼鏡做戲,其實對他來說好講演技反應表情。(陳順禎攝)

提到女友李佳芯(Ali)日前37歲生日,Danny透露有送份小禮物給對方:「我哋兩個都係好平淡咁食下飯,但小禮物送啲乜就唔講喇,你有機會下次問下佢啦!」對於女友疑被無綫(TVB)雪藏,拍完《愛美麗狂想曲》後便「被休息」,Danny坦言:「對於我個人認為佢可以休息一下,因為佢身體差都唔係新聞,成日身體一向都冇時間回復,咁我覺得而家係適合,休養時間唔會話一日半日就好,係需要長時間休養,咁所以佢而家就休養同學唱歌。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。