13歲魔童被指與長髮姑娘夜遊公園 袁詠儀終於公開緋聞真相

撰文:秦志鴻
出版:更新:

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

有靚靚袁詠儀做阿媽,又有男神張智霖做老竇,未出世已經坐擁最強顏值基因嘅13歲張慕童(魔童)靚仔有型已經唔係新聞,年紀輕輕已經迷到唔少女性,若然有戀情出現,大家一啲都唔會覺得出奇,所以早前魔童被被傳媒影到與一名長髮少女夜遊公園,行為親䁥,有唔少網民都認為呢件事合情合理,只會慨嘆「男神封盤」。不過傳聞還傳聞,事實歸事實,靚靚終於喺微博為阿仔澄清否認戀情,個真相都令到一眾網民笑收唔到聲!

有最強基因,真係想唔靚仔都幾難,仲要學埋滑板,都唔怪得有女仔鐘意嘅!(Instagram@cheung_chi_lam)

真相笑死網民

靚靚喺微博度話:「不好意思,兒子說若見此新聞,代為澄清,那位長髮的小孩是男兒身,這事承包了整晚的笑點。」經靚靚解釋,所有網民終於知道「戀情」背後真相,原來「女朋友仔」係一位長髮男生,唔少網民都被呢個笑話搞到笑唔停。其實魔童亦曾經喺IG上面出Post澄清,佢話對方其實係一個男仔,仲話自己有好多朋友都係長頭髮添!

魔童真係好靚仔:

+11