【多功能老婆】黎燕珊享受鬧小三于淼 大呼過癮：現實生活做唔到
撰文：陳栢宇
出版：更新：
聖誕就到，準備好禮物未？投【01最賞睇娛樂大獎】，有大把禮物抽喎！超過70萬元豐富獎品，包括旗艦手機11 Pro Max、Dyson風筒，仲可以有01積分換唔同禮品！
黎燕珊今日（12/12）尖沙咀出席《2020世界灣區小姐競選》發布會。（陳順禎攝）
黎燕珊（珊姐）今日（12/12）到尖沙咀出席《2020世界灣區小姐競選》發布會。珊姐表示：「今次係首屆舉辦世界灣區咁大盛事嘅選美，自己希望首屆中選出一位原汁原味純天然嘅代表性人物，因為而家有好多參選嘅佳麗都係模特兒，又或者係一啲網紅，咁所以好想選出一位適合嘅人選。」
提到珊姐有份在無綫（TVB）劇集《多功能老婆》演出，她坦言每晚都有緊追劇集：「睇返自己演出，真係好享受拍戲嘅過程，好似鬧飾演小三嘅于淼咁，因為有好多嘢現實生活上係唔會做到，可以喺戲裏面演出嚟真係好過癮，希望可以再開續集，因為套戲真係好好睇，好似睇電影咁，畫質場景都好靚，演員配搭又新鮮，出到嚟效果真係好正。」