C君四季酒店擺婚宴 愛的宣言冧爆老婆:忍住唔俾自己喊

撰文:吳子生
出版:更新:

香港組合農夫C君(鄭詩君)今日(13/12)與拍拖5年的電台DJ黃天頤拉埋天窗,晚上於中環四季酒店舉行盛大婚宴,延開20席招呼各界親戚好朋友,場面十分熱鬧。C君直言忙到即刻瞓得著:「首先麥師父(麥玲玲)擇嘅上頭時間又好夜,今朝又好早起身,其實真係瞓得幾個鐘,宜家真係好眼瞓,不過今日舉行見證嘅時候講愛得宣言真係好感動,真係未舉行過婚禮係唔會感受得到。」
 

C君今日與拍拖5年女友黃天頤拉埋天窗。(陳順禎攝)

新婚太太天頤表示:「聽到佢嘅愛的宣言真係好感動,雙眼淚水都湧緊出嚟,但我係咁死忍,忍住唔俾自己喊,因為知自己著咗掣係會收唔到嘅人,因為我想將在證婚嘅時候嘅愛的宣言讀晒俾佢聽,咁所以叫自己唔好喊住一定要讀晒佢。」
 

C君讀愛的宣言時,新婚太太大為感動。(陳順禎攝)

點擊睇更多C君、天頤靚相:

發表評論...