【全民造星II】師兄MIRROR擔任嘉賓 姜濤貼中Phoebus封王

撰文:
最後更新日期:

ViuTV大型選秀節目《全民造星II》決賽於周日(15日)完滿結束,三甲出爐,冠軍由Phoebus(吳啟洋)以大熱姿態勝出。身為師兄的MIRROR在比賽後接受《香港01》訪問,Jer(柳應廷)表示覺得很熱血:「我哋見返十強嘅參賽者,佢哋好認真喺後台準備自己集中精神嗰個樣,上年我冇十強,但我去後台嘅時候,見到大家好緊張喺度預備嗰個心情,好似重返舊地咁樣。」Stanley(邱士縉)就笑言重返舊地,在後台想起的是在不同角落睡着過的畫面,非常有趣。

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元

MIRROR以師兄身分出席《全民造星II》。(陳志嵐攝)

MIRROR首次演唱他們的新歌《Reflection》。(陳志嵐攝)

Anson Kong(江熚生)表示下午見到十強參賽者時,也有跟他們打打氣,希望他們放輕鬆!昨晚最後奪得冠軍的Phoebus曾多次被上屆冠軍姜濤稱讚,成功「貼中」後,姜濤說了一句:「Yes!」被問到他是否姜濤的接班人,大家都連聲否認,笑言姜濤未有被人接班的需要,Alton(王智德)這時說:「(姜濤)冇人可以代替的!」

相信不少姜濤Fans都想儲一個表情包。(資料圖片)

對於Phoebus的表現,姜濤大讚對方表現好:「好好,好穩定!其實前一晚我都有send訊息畀佢,最緊要係做一個令自己都唔後悔嘅表演,攞唔攞冠軍呢個心態上,其實佢自己都好放鬆。」至於外界有聲音表示Phoebus和姜濤的路線相似,他說:「其實《全民造星》就係揀偶像吖嘛,偶像都有歸於某一類,可能咁啱大家都係唱跳咁樣啫,所以希望有更加多唔同類型嘅人出現。」

Phoebus被姜濤「貼中」!(陳志嵐攝)

MIRROR(陳志嵐攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。