【打天下】封印19年劇本重見天日 監製歐錦棠：一路此心不死
撰文：吳子生
出版：更新：
棠哥大讚阿談（談善言）夠專業，無論在拍攝過程中受傷，一點半句怨言也沒有。（梁碧玲攝）
歐錦棠（Stephen）昨晚（16/12）現身尖沙咀出席ViuTV 劇集《打天下》煞科宴。對於自己是這套劇的監製又是演員的Stephen來說，百般滋味在心頭：「其實呢套劇嘅劇本大綱，係喺01年嘅時候寫嘅，嗰時係準備籌備緊一部電影，咁當然嗰陣時係冇成功出到街，一路此心不死，醞釀到宜家變成一杯好靚嘅美酒，更加令到劇集人物性格夠詳細，分析得更加深
棠哥更同《烈火雄心III》合作過的文頌嫻出山再拍劇，二人默契依舊。(梁碧玲攝)
自認超級功夫迷的棠哥，可以話係睇住港產動作電影長大，他坦言近十年香港動作劇集買少見少：「我見到就冇乜，用呢個排頭去做嘅，你會睇到嘅都係不甚了了，我講真，我咁話得人，我要做得好先至得，咁所以籌備咗咁耐，我非常有信心，呢部戲可以大膽講係首部，每一集一定會有動作場面，而且有啲動作場面好燦爛，唔係三兩下手腳就搞掂，我係計劃書上寫明要硬橋硬馬咁去拍攝動作，完全冇花巧嘢，咁所以啲演員少不免都會有啲受傷。」