【黑市】魯文傑拍攝時遇怪事:啲燈開唔到大家唔出聲

撰文:
最後更新日期:

魯文傑大讚黃貽興劇本寫得好好。(陳志嵐攝)

魯文傑昨日(19/12)出席ViuTV新劇《黑市》記者會,他在《上樓與詭聲》單元中飾演收音師:「係做行內audio嘅人,拍攝環境入面聽到唔應該聽嘅聲音,係由工場內嘅骨灰甕發出,我自己睇劇本都覺得好恐怖。」作為演員,魯文傑時常與收音師合作,所以拍攝時更加投入:「成日都會見到收音師,今次有機會飾演。劇中我有個女,咁啱我有個仔,又會有爸爸嘅感覺。」談到有否遇上靈異事件,魯文傑直言:「場地問題,啲燈突然開唔到,大家唔會出聲,知道咗就算。唔會追究,繼續開工。」

魯文傑為角色向專業的收音師請教,不能馬虎。(陳志嵐攝)

曾是TVB藝員,魯文傑說而家拍劇大有不同:「拍攝手法冇以前咁辛苦,冇咁多組接組嘅戲。方式唔同咗,尺度會大,創作係應該有自由度。如果有限制,就跟返唔同規矩玩,演員應該有彈性。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。