余文樂封楊千嬅做女神 咁小儀呢？
撰文：葉衛青
出版：更新：
余文樂坐在按摩椅上一臉享受。
余文樂拍廣告不忘打機，自我娛樂。
型男余文樂（阿樂）最近為代言按摩椅品牌的新產品系列拍攝廣告，今次他變look以上班族造型示人，在家居布景裏坐在按摩椅上打機，七情上面。
這是阿樂與品牌第二次合作，他表示因此更有默契，感覺舒服。對於早前被誤傳與好友阮小儀拍拖，雙方都覺得好搞笑，雖然不是情侶，但阿樂讚小儀可愛又幽默。至於阿樂心目中的女神條件，他說：「最緊要係傾到偈，可以一齊做無聊事、傻事。（有冇人選？）楊千嬅。」大笑姑婆千嬅與阿樂合作無間，今年底，兩人將會第三度合作拍攝《春嬌志明》，阿樂表示從未如此期待過，說：「我一直夢想擁有一部好似經典電影《日落巴黎》咁，將兩個人的故事拍成系列，好浪漫。今次可以原班人馬合作氣氛和默契都好好，加上係最後一部，我特別期待。」
而有傳周潤發（發哥）也會參演？阿樂說：「我都想呀，但他最近忙行山和健身，而且邀請發哥演出要出動好優厚條件。話雖如此，但世事無絕對，導演有好多諗法，成日都有新構思，劇本仲喺度不斷改呀！」
之前小儀和樂仔的一張合照，竟被人亂傳為情侶，連余文樂自己亦險被嚇死！（網上圖片）